دغري طلعوهم

يوسف :عادي وعايش بس محبوس
احمد: ليش محبوس اسم الله عليك من الحبس والاعتقال  ؟
يوسف:  بسألك انت كيف شايف الوضع منيح ولا زي الطين؟
احمد : الصحيح انه الوضع مكركب بالمره مسيرات واعتصامات وناس عاطله عن العمل وناس عاطله عن الامل ؟
يوسف: اي غريبه كثير بس الاغرب في هالبلد الناس الي بتحكي بحبسوها..مع انه كان عنا زمان اسواق حكي و ومطاحن للكلام يعني شعب بنحب الكلام، وحضارتنا كانت كلام بكلام.
احمد: مين قصدك ما حدا بموت ناقص حكي.. بقصد يعني ما حد.. بنحبس عشان انه بحكي
يوسف: هيئتك ما بتسمع اخبار
احمد: لأ.. بقرأ اخبار حتى الملل. لانه بعد كم اسبوع راح يحجبوا عنا المواقع الاخبارية
يوسف:انت قصدك عن مين
احمد: انا ما بحكي عن حد دغري بس مش سامع عن الشباب الي محبوسين بتهم قراقوش في دهاليز امن جويدة قصدي الدولة
يوسف: اه بكرا بطلعوا ما تخاف اشي  عادي
احمد: ياخي الي قاهرني وبده يخليني اطق، التهم الموجة إلهم
يوسف: ايه وشو التهم
احمد: شغله فيها تقويض وتقويص مش عارف شو الكلمة الي بعدها والثانية شغلة اليافطات
يوسف: لأ شغلة اليافطات هاي بسيطة اصلاً اي حدا بده شي من الدولة لازم يضل يصرخ ويعيط بنص الشوارع لأنه اكتشفت انه الحكومة طرشه ،وكمان يرفع يافطة قد البلد عشان في كم وزير لابسين عوينات “يعني عندهم قلة نظر”
احمد: وكمان تهمة التجمهر في مناطق تواجد الجماهير الي هم اصلاً اصحابها الاساسين
يوسف: بالمناسبة كلمة تجمهر انا مش كثير بالعربي بس بتوقع الها جذر ثلاثي بس شكلها الها علاقة حميمة مع اللحمة والكباب
احمد: لأ شكلك بتفهمش عربي بالمرة
يوسف: هيك باين
احمد: لأ هاي القصد فيها التجمهر يعني انت وكمان شخص او اكثر تعملوا مسيرة او شي اعتصام بدون اذن، انا عارف انك مش فاهم من مصطلحات التهم هاي صعبه عليك اصلاً انت شو بفهمك لأنه بالاصل الدولة برئيس وزرائها راحوا كتبوا عند كاتب العدل اول ما استلموا حقائبهم الوزارية براءة اختراع لمصطلحات لغوية جديدة ،وهي اول حكومة عربية تكتشف اكتشافات لتهم مستحدثة وممكن تسجل الهم تاريخياً

بس المشكلة مش هون المشكلة انه كاتب العدل نفسه بكون صاحبه مدعي عام امن الدولة الي بكون مكتوب وراه العدل اساس الحكم الي بجلسوا او بوقفوا الشباب عنده عشان يحاكمهم عسكريا .

■ ■ ■

دغري طلعوهم بعرفش كيف، حكولي طيب اسمعنا، رديت عليهم مش ناوي اسمع انا مواطن مش ديمقراطي مثلكم !

■ ■ ■

مهداه للمناضل معين الحراسيس وصحبه

ــ

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: